Mayor Dondon Alcala dumalo sa ground breaking ceremony ng St. Ferdinand Cathedral

LUNGSOD NG LUCENA, Quezon -- Dumalo bilang panauhing pandangal sa isinagawang ground breaking ceremony ng pagsasa-ayos ng bahagi ng Saint...

LUNGSOD NG LUCENA, Quezon -- Dumalo bilang panauhing pandangal sa isinagawang ground breaking ceremony ng pagsasa-ayos ng bahagi ng Saint Ferdinand Cathedral si Mayor Roderick “Dondon” Alcala kamakailan.

Nagsimula ang nasabing aktibidad sa isang misa na ung saan ay pinangunahan ito ni Bishop Emilio Marquez kasama ang ilang mga kaparian sa lungsod.Kasama ni Mayor Dondon Alcala sa naturang misa na ito si Konsehal Nilo Villapando, Konsehal Vic Paulo at Brgy. Silangang Mayao Chairwoman Nieves Maaño.

Matapos ang isinagawang misa, isinunod naman dito ang maiksing programa na kung saan ay binasbasan ni Bishop Marquez ang lugar na ipapaayos sa simbahan. Kasunod nito ang pagpirma ng mga naging sponsor sa pagsasaayos ng bahaging ito ng simbahan.Pinangunahan naman ni Mayor Alcala ang pagtatabon sa inilagay na kapsula na siyang magsisilbing marker nito kung kalian ito sinimulang isaayos.

Maging ang ilang mga kaparian sa lungsod, sa pangunguna naman ni Msgr. Denni Imperial at mga sponsor sa pagsasaayos nito ay nagtabon rin sa nabanggit na lugar.Matapos ang ginawang ground breaking ceremony ay nagtungo naman ang mga nagsipagdalo dito sa Edeficio De San Fernando Building upang magkasalo-salo sa isang meryenda. Ayon naman kay Sir Arnold Cayno, ang isa sa mga layko ng nasabing simbahan, ang pagsasaayos ng kanang bahagi ng simbahan ay upang mapaganda ito at gayundin ay upang hindi na mabasa ang lahat ng mga nagsisimba at nagtutungo sa bahaging ito ng Saint Ferdinand Cathedral. (PIO Lucena/ R. Lim)