NPA makikinabang sa power plant sa Pagbilao ayon kay Pangulong Duterte

(Photo Courtesy of Definitely Filipino News) by Nimfa L. Estrellado PAGBILAO, Quezon -- Pinangunahan ni Pangulong Rodrigo Duterte ang i...

(Photo Courtesy of Definitely Filipino News)

by Nimfa L. Estrellado

PAGBILAO, Quezon -- Pinangunahan ni Pangulong Rodrigo Duterte ang inagurasyon noong Huwebes ang bagong nakumpleto na 420-megawatt Pagbilao Unit 3 na proyektong carbon-fired power plant na inaasahang magpapatatag ng supply ng enerhiya sa Luzon at magpapalakas sa ekonomiya.

Sa kanyang talumpati aniya kahit na ang mga rebeldeng New People’s Army (NPA) ay makikinabang sa operasyon ng proyekto ng Power Project ng Pagbilao sa dahil makakapagbigay ito ng trabaho, pagkakataon sa negosyo at kaginhawahan.

“This will provide employment and business opportunities to residents of Quezon, including the NPA, should they decide to just drop their arms and stop fighting,” sabi ni Duterte.

Ang pagbubukas ng planta ng Pagbilao Unit 3 ay inaasahang magbibigay ng trabaho at negosyo sa mga residente ng Quezon.

Binigyang diin ni Duterte na ang pamamahagi ng reliable at abot-kayang kuryente ay makadagdag sa mga programa ng pamahalaan na magbubukas ng daan patungo sa pag-unlad ng bansa.

Hinihikayat niya ang mga pribadong producer ng enerhiya upang makahanap ng iba pang magandang solusyon upang mas maaasahang maihatid ang murang kuryente sa mga tahanan at industriya.

Inaasahan din niya na ang mga pribadong kumpanya ay magpapakilala pa ng iba pang mga technological advancements upang makagawa ng malinis na enerhiya.

Sinabi ng Pangulo na dapat pasalamatan ng NPA ang mga proponente ng proyektong planta ng kuryente “sapagkat maaari mong patakbuhin ang lahat ng iyong mga makina o anumang mayroon ka, at ang iyong mga ilaw sa bukid.”

Bukod sa pagkuha ng tuluy-tuloy na supply ng kuryente sa Luzon grid, ang proyekto ng Pagbilao Unit 3 ay inaasahang makagawa ng multi-bilyong piso sa mga buwis para sa mga lokal at pambansang pamahalaan.

Ang lalawigan ng Quezon ay kilala bilang isang balwarte ng komunistang insurhensya sa bansa bago matalo ang mga kampanyang sibil at militar sa bilang ng mga NPA combatant.