HEPE NG TFRO, PINATOTOHANAN ANG ISYU HINGGIL SA PATULOY NA PAGDAMI NG MGA NAMAMASADANG KOLORUM SA LUNGSOD

PINATOTOHANAN NG HEPE NG TRICYCLE FRANCHISING AND REGULATORY OFFICE NA MARAMI PARING MGA KOLORUM NA TRICYCLE ANG NAMAMASADA SA LUNGSOD NG ...

PINATOTOHANAN NG HEPE NG TRICYCLE FRANCHISING AND REGULATORY OFFICE NA MARAMI PARING MGA KOLORUM NA TRICYCLE ANG NAMAMASADA SA LUNGSOD NG LUCENA, ITO ANG IPINAHAYAG NG HEPE NG TFRO NA SI NORIEL OBCEMEA SA NAGING PANAYAM NG TV12 KAMAKAILAN.

AYON KAY OBCEMEA, ANG 60 PAHINA NG PAPEL NA NAGLALAMAN NG MGA PANGALAN NG MGA PASAWAY NA TRYCLE DRIVERS ANG NAGPAPATUNAY DITO.

SA KATUNAYAN, SA ARAW-ARAW UMANONG PAGSASAGAWA NG KANILANG TANGGAPAN NG OPERASYON, HINDI SILA NAWAWALAN NG MGA NAHUHULING TRICYCLE DRIVERS NA LUMALABAG SA MGA BATAS TRAPIKO GAYA NG KOLORUM, ODD-EVEN SCHEME, PAGDAAN SA BAWAL NA KALSADA AT IBA PANG KASO NA MAY KINALAMAN SA TRICYLE OPERATION.

AYON KAY OBCEMEA, ANG MGA DRIVER NG KOLORUM NA TRICYLE AY TULAD LANG RIN UMANO NG IBANG INDIBIDWAL NA KAPAG NAWALAN O WALANG TRABAHO AY NAGHAHANAP NG MAPAGKAKAKITAAN.

TUNAY RIN UMANO NA SA PANAHON NGAYON AY NAPAKADALING KUMUHA NG HULUGANG TRICYCLE NA MAARING GAAGAD NA MAGAMIT UPANG MAKAPAMASADA AT MAKAPAGHANAP-BUHAY NA SIYANG NAGIGING DAHILAN KUNG BAKIT MARAMI ANG KOLORUM.

DAGDAG PA NITO, SA KABILA NG HIRAP AT TAKOT SA MGA PARUSANG MAARING MAKUHA SAKALING MAHULING LUMABAG SA PANUNTUNAN, MARAMI PARIN SA MGA ITO ANG PATULOY NA NAMAMASADA SA PAGBABAKASAKALING HINDI MAHULI.

NGUNIT TINIYAK NAMAN NI OBCEMEA NA BAGAMA’T LIMITADO ANG KANILANG BILANG SA OPESINA, NARIRIYAN ANG MGA PANGULO NG IBA’T-IBANG TODA SA LUNGSOD NA TUMUTULONG SA KANILANG TANGGAPAN NA MAIPATUPAD NANG MABUTI ANG MGA BATAS SA KALSADA AT NAGSISILBI RING PULIS SA MGA PASAWAY NA NAMAMASADA. (PIO LUCENA/C.ZAPANTA)