PAGLIPAT NG ILANG MGA BOLANTENG MANININDAHAN MULA SA PAYA, MALAKI ANG NAITULONG SA MGA ITO AYON SA PUBLIC MARKET ADMINISTRATOR

MAS NAPABUTI ANG LAGAY NG NEGOSYO NG MGA BOLANTENG MANININDAHAN NA NAGMULA SA PAYA MULA NANG NABIGYAN ANG MGA ITO NG PAGKAKATAONG MAGKAROON...

MAS NAPABUTI ANG LAGAY NG NEGOSYO NG MGA BOLANTENG MANININDAHAN NA NAGMULA SA PAYA MULA NANG NABIGYAN ANG MGA ITO NG PAGKAKATAONG MAGKAROON NG SARILING PWESTO SA BAGONG PAMILIHANG PANLUNGSOD NG LUCENA, ITO ANG NAGING PAHAYAG NG PUBLIC MARKET ADMINISTRATOR NA SI NOEL PALAMOR.

MATATANDAANG ANG PAYA AY ISA LAMANGBAKANTENG LOTE NOON KUNG SAAN INILIPAT PANSAMANTALA ANG MGA MANININDAHAN MULA SA LUMANG PALENGKE NANG ITO’Y MAABO SA SUNOG NOONG TAONG 2014.

SA PAGTATAYO NG BAGONG MALL MARKET, HINDI LANG ANG MGA LEHITIMONG MANININDAHAN ANG NABIGYAN NG PAGKAKATAONG MAKAPAG HANAP-BUHAY MULI NANG MAAAYOS DAHIL DININIG NG LOKAL NA PAMAHALAAN ANG APELA NG MGA BOLANTE NA BIGYAN RIN SILA NG PAGKAKATAONG MAGKAROON NG PWESTO SA NAPAKARAMING BAKANTENG STALLS DITO.

AYON KAY PALOMAR, NAGSISILBING PATUNAY DITO ANG PAGTAAS NG KOLEKSYON NG CITY TREASURER’S OFFICE MULA SA HALAGANG P2000 PISO KADA ARAW NA UMAKYAT NA NGAYON SA HALAHAGANG P5000 PISO HANGGANG P7000 PISO KADA ARAW.

BASE SA NAGING OBSERBASYON NI PALOMAR, HINDI UMANO KAKAYANIN NG MGA NASABING BOLANTE NA MAKAPAGBAYAD NG UPA SA PWESTO KUNG HINDI LUMAKI ANG KITA NG MGA ITO.

ISA ANIYA SA MGA POSIBLENG RASON NITO AY ANG TULOY-TULOY LAMANG NA PAGTITINDA NG MGA NEGOSYANTE NANG HINDI INIINDA ANG PANAHON.

NOONWALA PA ANG MGA ITONG PERMANENTE AT MAAYOS NA PWESTO, SA TUWING UMUULAN AY KAKAILANGANIN PA NG MGA BOLANTENG MAGSILIKAS O UMALIS SA KANI-KANILANG PWESTO.

MAY MGA PAGKAKATAON RIN UMANO NA NAAANTALA ANG PAGAHAHANAP-BUHAY NG MGA ITO SA TUWING NAGSASAGAWA ANG TRAFFIC ENFORCEMENT SECTION NG KANILANG OPERASYON KUNG SAAN KINAKALANGAN NG MGA BOLANTENG MANININDAHAN NA UMALIS UPANG HINDI MAHULI.(PIO LUCENA/C.ZAPANTA)