by Olan L. Lao Lungsod ng Lucena, Quezon - Isang Dental at Medical Mission sa mga taga Barangay Cotta, Lucena City ang isinagawa para sa...
Lungsod ng Lucena, Quezon - Isang Dental at Medical Mission sa mga taga Barangay Cotta, Lucena City ang isinagawa para sa mga kababayan nating senior citizen nitong ika-2 Oktubre, 2018, upang ipagdiwang ang Elderly Month. Sa unang araw na pagpasok ng buwan ng Oktubre bago ang nasabing aktibidad ay nagkaroon muna ng alay lakad ang mga senior citizen ng nasabing barangay.
Ginanap ang Dental at Medical Mission sa covered court ng Barangay Cotta sa pangunguna ni Punong Barangay Analou Alcala at ang mga kagawad nito ng nasabing barangay, nagkaroon din ng partisipasyon ang local government ng Lungsod ng Lucena (Mayor Dondon Alcala), Congressman Kulit Alcala, pakikiisa at pakikipagtulungan ng mga sundalo para sa seguridad, dentista at mga doktor ng Southern Luzon Command (SOLCOM) . Bukod sa dental at usaping medical ay namigay din ng libreng medical check-up, gamot at eyeglasses ang mga nag organisa.
Ayon sa mga nakilahok malaking tulong para sa kanila ang mabigyan pansin ang kanilang kalusugan lalo na sa mga walang kakayanan na magpa check- up at makabili ng gamot at eyeglasses, na mga kababayan nating mahihirap na senior citizen na hindi sapat ang kinkita at walang suporta galing sa pamilya.
Magkakaroon nman ng libreng gamutan para sa mga nakaranas ng stroke na mga senior citizen sa ikatlong araw, at isang programa na tinawag nilang Gandang Lolo at Gandang Lola, sa ika apat na araw ng Oktubre.
No comments