Bitbit ang kanyang coc form at kumpiyansa sa sarili, pormal nang nagparehistro ng sertipiko ng kandidatura si konsehal boyet alejandrino na...
Upang maipakita sa taong-bayan ang kanyang kagustuhang maglingkod sa mga mamamayan, hindi nagpahuli si kon. Boyet alejandrino sa paghahain ng kanyang coc sa provincial office ng comelec noong ika-11 ng oktubre.
Nagpakita naman ng suporta sa konsehal ang mga kapwa niya lingkod bayan na sina konsehal boy jaca at kapitan narfil abrencillo ng brgy. Gulang-gulang na pawang kasama sa pagsusumite nito ng coc. Sakali rin umanong ang mga kakandidato ay ni-nominate ng isang partido, kinakailangan na naka-attach sa kanilang form ang certificate of nomination and acceptance o conac na may pirma ng nagnominate.
Ayon kay alejandrino, naging panuntunan na niya sa buhay sa tuwing siya ay tatakbo sa kahit na anong posisyon na ipakita sa taong-bayan ang kahandaang ihain ang kanyang sarili nang walang halong-pagaatubili.
Batid rin ni alejandrino na sakaling mahalal siya bilang bokal ng ikalawang distrito, mas magiging malawak ang sakop ng kanyang paglilingkuran ngunit handa umano siyang magbigay ng mas malawak na serbisyo sa kanyang distrito.
Naniniwala rin ang konsehal na marami siyang maiaambag sa higit pang kaunlaran ng ikalawang distrito lalo’t-higit pagdating sa pagapapatupad ng mag ordinansa hinggil sa trabaho at turismo.
Sa ganitong paraan aniya ay nakatitiyak si alejandrino na madaragdagan ang tulong na maipaaabot sa bawat bayan na magiging daan naman upang magdala ng turismo na maghahatid ng maraming hanap buhay para sa mga mamayan ng ikalawang distrito. (pio-lucena/c. Zapanta)
