‘Prevention is better than cure’ ito ang nais na ipabatid ni city health office epi/cd coordinator elizabeth caparros sa mga magulangin ...
‘Prevention is better than cure’ ito ang nais na
ipabatid ni city health office epi/cd
coordinator elizabeth caparros sa mga magulangin sa lungsod ng lucena.
Layon ng presidential decree 996, at republic act no. 10152 na masiguro
na ang lahat ng bata, lalo na ang mga sanggol, at ang mga ina ay may access sa
libreng bakuna sa mga government hospital at barangay health centers para sa
mga bagong panganak na sanggol hanggang
5 taong gulang
na bata. Marami kasing sanggol at bata ang namamatay dahil sa mga
sakit na maaari namang maiwasan kung magpapabakuna.
Kaya naman ang city
health office, patuloy na hinihikayat ang mga magulang na gawing prayoridad ang
pagpapabakuna ng mga anak sa ika-unang taon pa lamang.
Kasama umano sa regulated at mandatory vaccines sa expanded
program of immunization ng department of health ay ang bcg o
bacillus, calmette guerrin vaccine at
hepatitis b vaccine na itinuturok pagkapanganak ng sanggol.
Ang
bcg ay kailangan upang marotektahan
ang mga bata laban sa tuberculosis at ketong habang ang hepa b vaccine naman ay
panlaban sa hepa b na maaaring makasira sa atay at maaaring maging sanhi ng
kanser sa pagtanda.
Ang unang
injection naman ng pentavalent vaccine
at oral polio vaccine / opv ay ibinibigay sa unang 6 na linggo
pagkapanganak ng sanggol , at may puwang o interval na 4 na linggo bago ibigay
ulit ang ikalawa at ikatlong dose.
Kailangan ang pentavalent vaccine upang maiwasan ang mga sakit gaya ng dipterya,
tetanus, hepa b, pertussis, pulmonya, at meningitis habang ang opv naman ay makatutulong upang
bigyang proteksyon ang inyong anak laban
sa sakit na polio na nagiging sanhi ng kapansanan dahil sa panghihina ng mga
buto at hirap sa paglalakad o paggalaw ng binti.
Nagtuturok
rin ang mga barangay health centers ng inactivated polio vaccine o ipv na
karagdagang bakuna laban sa polio sa ika- tatlo’t kalahating buwan ng sanggol.
Ang
pneumococcal conjugate vaccines o
pcv naman na karagdagang bakuna rin laban sa pulmonya at meningitis ay ibinibigay sa edad na 6 na linggo, at ang primary
vaccination nito ay may 3 doses, na may pagitan na 4 na lingo.
Ang
measles, mumps, rubella o mmr vaccine naman ay itinuturok sa batang edad 9 na
buwan at isang taong . Ang measles o
tigdas ay maaaring maging sanhi ng malnutrisyon, poor mental development, at
pagkabingi at pagkabulag (hearing and visual impairments) at nakamamatay kung
hindi maaagapan.
Ipinaalala
rin ni caparros na kailangang sundin ng mga magulang ang schedule ng bakuna at
siguraduhing makumpleto ang mga ito hanggang sa sumapit ang unang kaarawan ng bata.
Ang mga bakuna naman na hindi
nabanggit ay maaaring makuha sa mga
pribadong hospital.
Kailangan ring itago ang card
na ibibigay ng mga barangay health workers
dahil ito ang magsisilbing patunay ng mga bakunang natanggap ng inyong
anak na kakailanganin sa kanyang
pagpasok sa eskwela. (PIO LUCENA/ C.ZAPANTA)
