Upang mas maging mabilis at kombinyente ang proseso ng pagkuha ng mga aplikante ng nbi clearance, kamakailan ay pinagkalooban ni mayor dondo...
Ang nbi clearance ay isang mahalagang government id na kinakailangan ng lahat ng mga kumpanya bago tanggapin ang sino man sa trabaho. Ito kasi ang patunay na walang kasaysayan ng krimen ang isang aplikante.
Kaya naman ganoon nalamang ang pasasalamat ni dominador villanueva iii, agent –in-charge ng nbi lucena sa punong lungsod na si mayor dondon alcala dahil sa pagkakaloob nito ng mga karagdagang kagamitan para sa kanilang ahensiya.
Tiyak raw kasi na magagamit nila ang mga bagong desktop computers at printers upang mas maging madali at maganda ang kanilang serbisyo sa daan-daang aplikanteng kanilang pinag-lilingkuran sa araw-araw.
Bago kasi makakuha ng nbi clearance, dapat munang magparehistro ang isang aplikante sa kanilang website ngunit may pagkakataon umanong dumudulog sa kanilang tanggapan ang aplikante upang mag pa-assist sa pagreregister online.
Dahil naman sa mga karagdagng mono block chairs,visitor’s chairs, cctv hard drive at large canopy tent na ipinagkaloob rin sa nbi lucena, bukod sa mas mabilis na pagproproseso ng nbi clearance, mas magiging kombinyente na rin ang pagpila ng mga aplikante na naghihintay na sumailalim sa biometrics lalo na’t mula pa sa iba’t-ibang bayan at munisipalidad ang mga ito.
Nangako naman si mayor dondon alcala na patuloy na susuportahan ang nbi lucena upang makapaghatid ng mas mahusay na serbisyo sa publiko. (PIO LUCENA/ C.ZAPANTA)
