HINDI MAPAPAHIYA ANG MGA NAGTIWALA SA AKIN - Cong. Elect David “Jayjay” Suarez

Si Cong. Elect David “Jay jay” Suarez  ng ikalawang Distrito matapos i-proklama ng board of canvassers sa COMELEC. by Ace Fernandez, ...

Si Cong. Elect David “Jay jay” Suarez ng ikalawang Distrito matapos i-proklama ng board of canvassers sa COMELEC.

by Ace Fernandez, Lyndon Gonzales

LUNGSOD NG LUCENA, Quezon – Sa katatapos na election 2019, ay iba’t iba ang naging resulta sa hindi inaasahan ng ilang political observers sa Ikalawang Distrito ng lalawigan ng Quezon tulad ng paglaki  ng agwat ng bilang ng boto sa kalaban o di kaya naman ay ang pagbabago ng pamantayan ng pagpili ng mga botante sa kumakandidatong politiko. 

Tulad halimbawa ng nangyari sa 2^nd district  sa tunggalian nina Gov. David “Jayjay” Suarez at dating DA Secretary Proceso “Procy” Alcala na di inaasahang lalamang ng malaking boto itong si Congressman Elect David “Jayjay” Suarez  dahil itinuturing  na balwarte ng mga Alcala ang nasabing distrito na mayroong 393,323 libong registered voters. 

Ayon kay Suarez, masyadong minamaliit ng grupo ni dating DA Secretary Procy Alcala ang desisyon niyang lumabang kinatawan ng ikawalang distrito subalit unti-unti aniyang naunawaan ng mga mamamayan sa (5) bayan at isang lungsod ng 2^nd district ang kanyang Legislative Agenda at mga proyektong  magbibigay ng mas higit na kaunlaran at pagtaas ng pamumuhay na mamamayan. 

Inihahalimbawa ni Congressman elect Jayjay Suarez ang kamakailan lamang na ginanap  na ground breaking ng Steel Asia sa bayan ng Candelaria, Quezon na kung saan magbibigay ito ng halos (2) dalawang libong trabaho sa ikalawang distrito -- kaya naman kanya na umanong ihahanda ang sector ng paggawa (labor force) sa lalawigan sa pamamagitan ng pagbibigay ng skills training ng mga ito sa mga TESDA Affiliated  TECHVOCS Schools upang maging globally competitive ang mga manggagawa sa buong probinsiya. Nabanggit rin ng bagong kinatawan  na dahil sa nalalapit na pagbubukas ng South Luzon Expressway extension ay magbubukas rin ito ng mga investments sa 2^nd District. 

Isasagawa rin umano ang mga pangunahing proyekto  sa segunda distrito tulad ng mga farm to market roads na kailangang kailangan umanong maiayos na dito ay kakausapin niya ang mga elected officials upang malaman niya kung ano pa ang mga priority projects na kailangang gawin sa kanilang pamayanan.

            

Bibigyang halaga diumano ni Suarez ang mga infrastructure projects na vital sa socio-economic development sa kanyang distrito na sa katunayan ika niya ay kasama siya ni Pangulong Rodrigo Duterte pagpunta nito sa Japan upang makipag-ugnayan sa mga negosyante ng nasabing bansa upang hikayatin ang mga ito na mag-invest sa ating bansa particular sa segunda distrito. 

Aniya “sisiguruhin natin na makakapantay ang kaunlaran ng 2^nd district sa mga lugar na maunlad na kung ang pagbabatayan ay ang panlipunang reporma at paglago ng negosyo at ekonomiya”. Nang tanungin ng mga media matapos na makapanumpa sa Board of Canvassers itong si Suarez na kung ano sa tingin niya ang dahilan kung bakit ibinoto siya ng mga taga 2^nd district.

“Marahil nakita nila ang aking track record and performance as public servant at wala rin akong record na masama sa loob ng (9) siyam na taong paglilingkod bilang gobernador ng lalawigan kaya ito ang nakikita kong dahilan kung bakit ako tinangkilik ng ating mga kababayan at nagpapasalamat ako sa tiwala nila.”  sabi ni Suarez.

            Nasabi pa ni Suarez na marami na umanong lumapit sa kanyang mga negosyante upang magtayo ng logistics hubs, industrial parks at ang STI umano ay magpapatayo din ng Training School na makatutulong sa paghahanda ng labor force sa mga darating pang investments.