By Lolitz Estrellado January 18, 2020 SOCO habang sinisiyasat ang sinunog na sasakyan na sinasakyan ni former Batangas Rep. Edgar Mendo...
January 18, 2020
 |
| SOCO habang sinisiyasat ang sinunog na sasakyan na sinasakyan ni former Batangas Rep. Edgar Mendoza at ang dalawang kasama nitong sina Ruel Ruiz, driver at security escort na si Nicanor Mendoza.. (Photo by Gemi Formaran) |
LIPA CITY - Patuloy na iniimbestigahan ng mga awtoridad ang kaso ng pagpatay sa dating kinatawan ng Second District of Batangas na si Edgar Mendoza.
Ayon kay Max Salvador, hepe ng National Bureau of Investigation (NBI) sa Cavite-Laguna-Batangas-Rizal-Quezon (CALABARZON) Region IV-A, mayroon na silang dalawang (2) persons of interest sa murder ng dating kongresista at ng dalawang kasama nitong sina Ruel Ruiz, driver at security escort na si Nicanor Mendoza.
Ang 2 persons of interest, na motorcycle-riding men, ay iniulat na nakitang nakabuntot sa sasakyan ng mga biktima habang ito ay patungong Tiaong, Quezon kung saan matagpuan ang nasusunog na sasakyan at ang mga halos hindi na makilalang bangkay ng mga biktima.
Sinabi ni Salvador sa isang media interview na titingnan nila ang video footage na kuha ng closed-circuit television cameras na nakabit sa mga kalapit na lugar o barangay upang matukoy ang mga suspects at ang numero ng plaka ng sinasakyang motorsiklo.
Noong una umano ay isa lamang na lalaki ang nakitang sakay ng motorsiklong nakabuntot sa sasakyan ng mga biktima. Subalit kalaunan ay nakitang may isa pag lalaki itong angkas.
Matatandaang noong nakaraang Huwebes, Enero 9, 2020 ay natagpuan sa Tiaong ang nasusunog na sasakyan ng dating congressman, ang charred bodies ng driver at security escort nito.
Sa inisyal na imbestigasyon, sinabi ng pamilya ni Mendoza na ito ay patungong Calamba, Laguna at may meeting ito doon kaya nagtataka umano sila nang hindi ito makauwi nang araw na iyon at sa Tiaong, Quezon natagpuan.
No comments