February 8, 2020 KALIPI – QUEZON President Atty. Joanna Suarez LUNGSOD NG LUCENA, Quezon - Patuloy sa sinasagawang pagsuyod sa mga...
| KALIPI – QUEZON President Atty. Joanna Suarez |
LUNGSOD NG LUCENA, Quezon - Patuloy sa sinasagawang pagsuyod sa mga Bayan ng Lalawigan ng Quezon si (Kalipunan ng Liping Pilipina) KALIPI – QUEZON President Atty. Joanna Suarez sa pag-aabot ng serbisyo sa mga mamamayang Quezonian na siyang tumatayong kinatawan ng Ama ng Lalawigan.
Kung saan kanyang hatid ang mga tulong at programa para sa edukasyon, kalusugan at kabuhayan kung kaya personal na nagtungo si KALIPI-Quezon President Atty. Suarez sa bayan ng Burdeos at Polillo upang magkaloob ng mga school supplies para sa mga magaaral at health coupon para sa mga residente ng nabanggit na lugar, kasabay rin nito ang pakikipagpulong sa mga miyembro ng Luntiang Katipunero para sa mga programang pang-agrikultura.
Habang hindi rin nagpa-awat ang kinatawan ng ating Gobernador na si Atty. Joanna Suarez na personal na nagtungo at sinuong ang malalakas na alon marating lamang ang mga bayan ng Jomalig at Patnanungan na ibinahagi ang mga Agricultural Inputs at mga binhing pananim para sa mga magsasaka, school supplies para sa mga mag-aaral at mga Health coupon para sa mga mamamayan ng naturang mga bayan.
Layon din ni KALIPI – Quezon President, na mapag-ibayo ang gulayan sa mga bakuran na siyang magiging pagkukunan ng mga masusustansyang pagkain na ihahain ng mga Nanay sa kanilang hapag-kainan.
Samantala, sadyang tuloy-tuloy sa paghahatid at pagbibigay ng mga programa at proyekto sa mga mamamayan ng Lalawigan ng Quezon ang Kalipunan ng Liping Pilipina (KALIPI) kasabay ng mga tulong mula sa Pamahalaang Panlalawigan. (Quezon - PIO)
No comments