Camp and tupad pay-out at awarding ng dole livelihood assistance, isinagawa

by Quezon – PIO November 30, 2020 LUCENA CITY - Pinangunahan ni Secretary Silvestre Bello III at Governor Danilo E. Suarez ang isinagawang C...

by Quezon – PIO
November 30, 2020




LUCENA CITY - Pinangunahan ni Secretary Silvestre Bello III at Governor Danilo E. Suarez ang isinagawang Covid-19 Adjustment Measures Program (CAMP) and Tulong Panghanapbuhay sa ating Disadvantaged/Displaced Workers (TUPAD Program) pay-out na sinundan ng Awarding ng Department of Labor and Employment (DOLE) Livelihood Assistance para sa mga benepisyaryo ng mga naturang programa.

Kung saan ito ay ginanap sa Quezon Convention Center, Lucena City na dinaluhan din nina Vice Governor Sam Nantes, Congw. Aleta Suarez, Board Member Jet Suarez, Padre Burgos Mayor Ruben Uy Diokno, DOLE Quezon Director Edwin Hernandez at iba pang mga kawani mula sa Regional Office ng DOLE nitong nakalipas na araw ng Huwebes, ika-19 ng Nobyembre.



Habang matatandaan na ang mga bahaging programang ito ng DOLE ay nakapailalim sa Republic Act No.11494 o Bayanihan to Recover As One Act na saklaw ang mga programa na gaya ng DOLE Integrated Livelihood Program or Kabuhayan Program (DILP), CAMP at TUPAD Program na mga tugon para sa mga kababayan nating labis na naapektuhan dahil sa pandemya na dulot ng COVID-19.

Para naman sa mga benepisyaryo na napagkalooban ng livelihood assistance ito ay isang malaking oportunidad para sa kanila na muling mabigyan ng pagkakataon na makapaghanapbuhay at kumita ng pangtustos sa kanilang pamilya.



Samantala, sa ibinahagi namang mensahe ni Sec. Bello layon ng mga programa sa ilalim ng DOLE na maibigay sa taong bayan ang salaping para sa kanila at kaakibat nito ang suporta sa mga programa para sa ating mga kababayan.

Sa naging pananalita naman ni Governor Suarez, kanyang ibinalita ang mga programang pinalawig para sa kanyang mga kalalawigan gayon din ang patuloy na pagpapaabot ng tulong at serbisyo sa ano mang sektor sa ating Lalawigan.

Sa ngayon ay inaasahana na sa pamamagitan ng mga programang ipinagkaloob ng DOLE at ng Pamahalaang Panlalawigan ay makapagbukas ito ng panibagong pag-asa para sa ating mga kababayang nawalan ng trabaho at kabuhayan dulot ng pandemya kasabay ng ating sama-samang pagharap sa panibagong normal.