by Quezon - PIO November 17, 2020 LUCENA CITY - Handog ng Pamahalaang Panlalawigan ang tulong para sa mga pampublikong guro mula sa bayan ng...
November 17, 2020
LUCENA CITY - Handog ng Pamahalaang Panlalawigan ang tulong para sa mga pampublikong guro mula sa bayan ng Dolores kung kaya sa pangunguna ni Governor Danilo E. Suarez kaisa sina Vice Governor Sam Nantes, 2nd District Congressman David Suarez at Board Member Yna Liwanag ay personal na tinungo ang nabanggit na bayan nitong araw ng Lunes, ika-9 ng Nobyembre.
Personal namang sinalubong ng Ama ng bayan ng Dolores, Orlan Calayag, Vice Mayor Danilo Amat, Sangguniang Bayan ng Dolores, Public School Disitict Supervisors at School heads ang grupo mula sa Pamahalaang Panlalawigan.
Ipinamahagi ang mga bondpapers para sa bawat paaralan na patuloy na gumagawa ng module na inihahatid sa mga tahanan ng mga mag-aaral upang tuloy-tuloy na maibigay ang tamang edukasyon na kailangan ng bawat estudyante sa ating pagharap sa bagong normal dahil sa banta ng COVID-19.
Labis naman ang pasasalamat ni Mayor Orlan Calayag dahil sa agarang pagtugon ng Pamahalaang Panlalawigan sa ayudang kailangan ng kanilang bayan na naapektuhan dahil sa bagyong nagdaan sa ating Probinsya.
Habang sa kabila ng mga pagsubok na dumadaan sa ating Lalawigan agad naman ang pagpapadala ng tulong ng tanggapan ni Bokal Liwanag para sa mga magaaral.
Sa ngayon naman ay mas lalo umanong na-aapreciate ni Vice Governor Nantes ang kahalagahan ng tungkuling ginagampanan ng mga guro dahil siya bilang magulang ay nagsisilbi ding guro para sa kanyang mga anak na nagaaral sa pamamagitan ng online class.
Ipinarating naman ni Cong. Suarez ang na patuloy ang pagkakaloob ng suporta sa sektor ng edukasyon sa ating Lalawigan kasabay ng kanyang mga balita kaugnay sa vaccination program upang labanan ang banta ng COVID-19. Andyan din ang panawagan ng Kongresista na di dapat pinapansin ang pulitika sa gitna ng pandemya sa halip ay dapat pagtuunan ng pansin ang programa at serbisyo.
Samantala, sa mensahe ni Governor Suarez kanyang ibinahagi ang tuloy-tuloy na serbisyo at programa na inihahatid ng Pamahalaang Panlalawigan sa kabila pagsubok na hinaharap ng ating Lalawigan gayon din ang mga ginagawang programa para sa sektor ng Edukasyon sa ating Probinsya.
Sa ngayon ay sinisiguro naman ng Pamahalaang Panlalawigan na maipararating ang serbisyong kailangan ng ating mga kalalawigan ano mang sektor ang kanilang kinabibilangan.
No comments